د کابل ښار په کارته سخي سیمه کې د څلورو لویو ډبرو د وېجاړولو کار پیل شو
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ، د کابل ولایت له پېښو سره د مبارزې آمادګۍ ریاست د کابل ښار د دریمې ناحیې څلورم ګذر په کارته سخي سیمه کې د بالا کوه تپې د سلام جومات تر څنګ په خوندي ډول د څلورو لویو ډبرو د وېجاړولو کار پیل کړ.
د ډبرو وېجاړولو کار له پېښو سره د مبارزی آمادګۍ رئیس، محترم مولوي نجیب الله انوري، د دې ادارې د انجنیر او د سیمې د مسؤلینو په شتون کې پیل شو. د دې ډبرو په وېجاړولو سره به ۳۰۰ هستوګنیز کورونه، د څنګ مغزن لاره، د همدی سیمې د تګ راتګ فرعي لارې، د کارته سخي جومات او زیارت به د ډبرو د ښویېدو له خطر څخه خوندي پاتې شي.
نېټه:۱۴۴۷/۶/۱۹ هـ ق
له پېښو سره د مبارزې آمادګۍ ملي اداره
