د کندز ولایت له پېښو سره د مبارزې آمادګۍ ریاست ۳,۴۹۱ مستحقو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د ASIO مؤسسې ترمنځ د لاسلیک شوي هوکړه لیک له مخې، چې د پروژې تمویل کوونکی یې د خوړو نړیوال پروګرام (WFP) دی، د کندز ولایت له پېښو سره د مبارزې آمادګۍ ریاست د یادې مؤسسې په ملاتړ، د دې ولایت په علي آباد او قلعه ذال ولسوالیو کې ۳,۴۹۱ مستحقو کورنیو ته له سروې وروسته خوراکي مرستې ووېشلې.
په دې لړۍ کې د سیمه ییزو مسؤلینو په شتون کې ۱,۵۳۶ کورنیو هرې یوې ته په قلعه ذال ولسوالۍ او ۱,۹۵۵ کورنیو هرې یوې ته په علي آباد ولسوالۍ کې ۵۰ کیلو اوړه, ۵ لیټره غوړي، ۶.۲۵ کیلو دال، نيم کيلو مالګه، ۳ کيلو سوپر سیريل او يو نيم کيلو پلمپې ووېشل شول.
نېټه: ۱۴۴۷/۰۶/۰۸ هـ ق
له پېښو سره د مبارزې آمادګۍ ملي اداره
