د لغمان ولايت له پېښو سره د مبارزې آمادګۍ رياست ۳۳۳ کورنيو ته د حفظ الصحې کيټونه ووېشل
له پېښو سره د مبارزې آمادګۍ ملي ادارې او د OCHR موسسې تر منځ د لاسلیک شوي هوکړه لیک له مخې، چې د پروژې تمویل کوونکي یې د UNICEF سازمان دی، د لغمان ولايت له پېښو سره د مبارزې آمادګۍ رياست د یادې موسسې په همکارۍ، د دې ولایت په علینګار ولسوالۍ کې ۳۳۳ کورنیو ته د حفظ الصحې کېټونه ووېشل.
په دې لړۍ کې هرې کورنۍ ته د مسؤلینو په شتون کې د حفظ الصحې یو کېټ ووېشل شو.
د یادونې وړ ده چې، د دې مرستو د وېش موخه د موسمي ناروغیو مخنیوی او پر وړاندې یې د خلکو د پوهاوي لوړول وو.
د سيمې اوسېدونکو د يادې مرستې هرکلی وکړ او له پېښو سره د مبارزې آمادګۍ رياست او د همکارو مؤسسو له همکارۍ څخه يې خوښي څرګنده کړه.
نېټه: ۱۴۴۷/۰۵/۱۰ هـ ق
له پېښو سره د مبارزې آمادګۍ ملي اداره
