د کابل ولایت په میر بچهکوټ ولسوالۍ کې د استنادي دیوال د جوړولو کار پیل شو
د طبیعي پېښو د خطرونو کمولو او مخنیوي په موخه یوه پروژه د کابل ولایت په میربچهکوت ولسوالۍ کې د یاد ولایت له پېښو سره د مبارزې آمادګۍ رئیس، الحاج مولوي نجیب الله انوري، د مرکزي ادارې استازو، د میربچهکوت ولسوال، علماوو، مشرانو او سیمهییزو متنفذینو په شتون کې، د یادې ولسوالۍ په پستک کلي کې رسماً پیل شوه.
د کابل ولایت له پېښو سره د مبارزې آمادګۍ رئیس، د پروژې د بنسټ ډبرې کېښودو پر مهال وویل، چې دا پروژه د عالیقدر امیرالمؤمنین حفظهالله تعالی د ځانګړې پاملرنې پر بنسټ عملي کېږي، تر څو د طبیعي پېښو له خطره ډکې سیمې خوندي کړل شي او په راتلونکي کې د سیلابونو خطرونو او نورو احتمالي زیانونو مخه ونیول شي.
د پستک کلی له دې وړاندې له پېښو سره د مبارزې آمادګۍ ملي ادارې او د کابل ولایت له پېښو سره د مبارزې آمادګۍ ریاست د انجنیري ټیم له لوري سروې او تثبیت شوی و.
په یاده پروژه کې د ۱۰۲ مترو په اوږدوالي د استنادي دیوال جوړول شامل دي، چې ټولټال د نه سوه اووه نوي زره او څلور سوه شپږ پنځوس (۹۹۷,۴۵۶) افغانیو په لګښت طرحه او پلي کېږي. د دې پروژې له بشپړېدو سره به د سیمې اوسېدونکي د طبیعي پېښو له خطرونو څخه تر ډېره حده خوندي پاتې شي.
د سیمې اوسېدونکو د یادې پروژې له پیل څخه تود هرکلی وکړ او د اسلامي نظام د ثبات او دوام لپاره یې دعا وکړه.
نېټه: ۱۴۴۷/۰۵/۰۶ هـ ق
له پېښو سره د مبارزې آمادګۍ ملي اداره
