د کندهار ولایت له پېښو سره د مبارزې آمادګۍ ریاست ۸۰ کورنیو ته خوراکي او غيري خوراکي مرستې ووېشلې
د کندهار ولایت له پېښو سره د مبارزې آمادګۍ ریاست، د یاد ولایت په لوړ میوند ولسوالۍ کې، د وچکالۍ له امله ۸۰ زیانمنو شویو کورنیو ته، له سروې وروسته خوراکي او غيرې خوراکي مرستې ووېشلې.
په دې لړۍ کې د مسؤلینو په شتون کې هرې کورنۍ ته، ۱۰۰ کیلو غنم، ۵۰ کیلو وريجي، ۱ تخته کمپله او ۳ جوړې څپلکې ووېشل شوې.
د يادونې وړ ده، چې د يادې مرستې د وېشلو سربېره ۸۰ کسانو ته د ماينونو، وچکالۍ او سيلابونو د خطرونو په اړه عامه پوهاوي هم ورکړل شو.
نېټه: ۱۴۴۷/۰۳/۲۲ هـ ق
له پېښو سره د مبارزې آمادګۍ ملي اداره
