د ننګرهار ولایت له پېښو سره د مبارزې آمادګۍ ریاست ۱۵۰ زلزله ځپلو کورنیو ته خوراکي او غیر خوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست, د یاد ولایت د دره نور ولسوالۍ په وایګل، کشموند قلعه او صفر قلعه کلیو کې ۱۵۰ زلزله ځپلو کورنیو ته له سروې وروسته خوراکي او غیرخوراکي مرستې وویشلې.
د مرستو وېش د مسوولینو په شتون کې ترسره شو, چې هرې کورنۍ ته ۵۰ کیلو اوړه، ۱۰ لیټره غوړي، ۱۰ کیلو وریجې، ۵ کیلو لوبیا، ۷ کیلو بوره ،یو کیلو شین چای، ۲ کیلو خرما، یو باب خېمه او دوه تختې کمپلې ووېشل شوې.
د ننګرهار ولایت له پېښو سره د مبارزې آمادګۍ ریاست ټینګار وکړ, چې د طبیعي پېښو له امله له زیانمنو شویو کورنیو سره به د مرستو لړۍ دوام ولري.
نېټه: ۱۴۴۷/۰۳/۱۶ هـ ق
له پېښو سره د مبارزې آمادګۍ ملي اداره
