په هرات ولایت کې یو شمېر ناچاوده توکي کشف او خنثی کړل شول
له پېښو سره د مبارزې آمادګۍ ملي ادارې د ماینپاکۍ د همغږۍ او انسجام ریاست، د بیړنۍ اړیکې شمېرې (0708606060) له لارې د ترلاسه شوي اړیکې پر بنسټ، د هلوټرسټ مؤسسې د بېړنۍ ځواب وینې ټیم هرات ولایت ته د عملیاتو لپاره ولېږدوه.
د دې عملیاتو په ترڅ کې، یاد ټیم یو شمېر ناچاوده توکي چې د سیمې د اوسېدونکو ژوند یې له خطر سره مخ کړی و، کشف، په خوندي ډول یې انتقال او له منځه یووړل.
همدارنګه، د جګړو څخه پاتې ماینونو او چاودېدونکو توکو د احتمالي پېښو د مخنیوي په موخه، د سیمې اوسېدونکو ته د ماینونو او چاودېدونکو توکو د خطرونو په اړه د عامه پوهاوي پروګرام ترسره شو.
نېټه: ۱۴۴۷/۲/۲۰ هـ ق
له پېښو سره د مبارزې آمادګۍ ملي اداره
