د لغمان ولایت له پېښو سره د مبارزې آمادګۍ ریاست ٣٥ زیانمنو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د ARCI موسسې تر منځ د لاسلیک شوي هوکړه لیک له مخې او د یونسیف سازمان په تخنیکي همکارۍ، د لغمان ولایت له پېښو سره د مبارزې آمادګۍ ریاست، د دې ولایت د بېلابېلو ولسوالیو او مرکز مهترلام اړوند، ٣٥ زیانمنو شویو کورنیو ته، له سروې وروسته خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ١٠٠ کیلو اوړه، ٩.١ کیلو غوړي، ١ کیلو مالګه، ١٢.٥ کیلو دال، بیسکویټ او د WSB مواد ووېشل شول.
د یادونې وړ ده، چې د مرستو ترلاسه کوونکو کورنیو له مسؤلینو څخه مننه وکړه او د ورته نورو مرستو غوښتنه یې وکړه.
نېټه: ۱۴۴۷/۰۱/۰۶ هـ ق
له پېښو سره د مبارزې آمادګۍ ملي اداره
