د بدخشان ولایت له پېښو سره د مبارزې آمادګۍ ریاست ۷۲۹ زیانمنو شویو کورنیو ته ۱۲۹۷٨۸۰۰ افغانۍ نغدې پیسې او د غیر خوراکي توکو مرستې ووېشلې
له پېښو سره د مبارزې آمادګۍ ملي ادارې او د میشن ایسټ موسسې تر منځ د لاسلیک شوي هوکړه لیک له مخې، د بدخشان ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د درایم ولسوالۍ ۷۲۹ زیانمنوشویو او اړمنو کورنیو ته نغدي او د غیر خوراکي توکو مرستې ووېشلې.
په دې لړۍ کې، هرې کورنۍ ته د مسؤلینو په شتون کې، په څو ګروپونو کې د لومړۍ ډلې کورنیو ته چې ډېرې زیانمنوونکې او اړمنې وې، هرې یوې ته ١٩,٤٥٤ افغانۍنغدي پیسې او ٣ تختې کمپلې، د دویمې ډلې زیانمنو شویو او اړمنو هرې کورنۍ ته ١٩,٤٥٤ افغانۍ نغدي پیسې او د درېیمې ډلې هرې کورنۍ ته ١٤,٢٠٠ افغانۍ ووېشل شوې، چې ټولټال د یاد شمېر کورنیو لپاره ١٢,٩٧٨,٨٠٠ ( ١٢ میلیونه، ٩٧٨ زره او ٨٠٠ ) افغانۍ ځانګړې شوې وې.
نېټه: ١٤٤٦/٩/٢٦
له پېښو سره د مبارزې آمادګۍ ملي اداره
