د لغمان ولایت په علینګار ولسوالۍ کې د یو استنادي دیوال د جوړولو کار پیل شو
د عالیقدر امیرالمؤمنین (حفظهالله) د فرمان له مخې، د هېواد په ټولو ولایتونو کې د طبیعي پېښو د خطرونو د کمولو لپاره، هر ولایت ته د یو میلیون افغانیو په ارزښت بودجه ځانګړې شوې ده. دا بیړنۍ کوچنۍ وقایوي پروژې به له پېښو سره د مبارزې آمادګۍ ملي ادارې له لوري پلي کېږي.
د لغمان ولایت له پېښو سره د مبارزې آمادګۍ ریاست د یاد ولایت علینګار ولسوالۍ په محمد افضل بېله سیمه کې د ۱۰۰۰۰,۰۰۰ (یو میلیون) افغانیو په ارزښت د یو استنادي دیوال د جوړولو کار پیل کړ.
د یادونې وړ ده, چې د دی استنادي دیوال کار به په درې میاشتو کې بشپړ شي چې په پایله کې به یې کرنیزې ځمکې او کورونه د سېلابونو له خطرونو څخه خوندي پاتې شي.
ورته مهال, د سیمې خلکو د اسلامي امارت له دغه نیک ګام څخه مننه او قدرداني وکړه.
نېټه:۱۴۴۶/۹/۱۶
له پېښو سره د مبارزې آمادګۍ ملي اداره
