د پنجشیر ولایت اړوند کورابه کلي کې د سیند د لارې چِکړې له پاکولو وروسته د سېلابونو خطر کمښت پیدا کړ
د پنجشیر ولایت له پېښو سره د مبارزې آمادګۍ ریاست د ولایت مقام په همکارۍ, د پنجشیر د سیند چِکړې د شتل ولسوالۍ په قول کورابه کلي کې پاکې کړي دي، چې له امله یې د سیند د اوبو د لوړېدو مخنیوی او احتمالي سېلابونو خطر کم شوی دی.
یاده سیمه د سېلابي موادو د راټولېدو له امله د پنجشیر د سیند د اوبو کچې لوړېدو له احتمالي ګواښ سره مخ وه، چې په بیړني ډول د ایسکواټور په وسیله دغه چکړې پاکې شوې او د سیمې د خلکو کرنیزې ځمکې او یو کیبلي پُل په لنډمهال ډول د یاد سیند د احتمالي ګواښونو څخه خوندي پاتې شول.
نیټه: ۱۴۴۶/۶/۲۳
له پېښو سره د مبارزې آمادګۍ ملي اداره
