د میدان وردګ ولایت له پېښو سره د مبارزې آمادګۍ ریاست له ۳۰۰ زیانمنو کورنیو سره خوراکي او غیرخوراکي مرستې وکړې
د میدان ولایت وردګ ولایت له پېښو سره د مبارزې آمادګۍ د ولایت مقام په لارښوونه، د نرخ ولسوالۍ په دادل، توکرک او صد مرده حوزو کې د طبیعي پېښو او اقلیمي بدلون له امله ۳۰۰ زیانمنو کورنیو ته خوراکي او غیرخوراکي مرستې ووېشلې.
په دې لړۍ کې د یاد ریاست رییس محترم مولوي فیض الله جلالي په شتون کې هرې کورنۍ ته ۵۰ کیلو اوړه، ۲۵ کیلو وریجې، یو هایجن کېټ، یو د اوبو سطل او یو جلد د عامه پوهاوي بروشر ووېشل شول.
ورته مهال مولوي فیض الله جلالي له زیانمنو کورنیو سره خواخوږۍ وښوده او زیاته یې کړه چې مالي زیانونو ته په کتو دا مرسته بسنه نکوي، او د افغانستان اسلامي امارت تل هڅه کوي چې د هیوادوالو لپاره د لا زیاتو مرستو زمینه برابره کړي.
نېټه: ۱۴۴۶/۵/۲۴
له پېښو سره د مبارزې آمادګۍ ملي اداره
