د ادارې د پېښو چارو د همغږۍ مرستیال په کابل کې د درېیو لویو ډبرو له سروې څخه څارنه وکړه
کابل- د ربیع الاول ۱۸-۱۴۴۶
د کابل ښار د درېیمې ناحیې د کارته مامورین اوسېدونکو د غوښتنې له مخې، د پېښو چارو د همغږۍ مرستیال محترم الحاج ملا عبدالولي څارنوال(حاجي وارث) او ورسره مل پلاوي د کابل ښار د درېیمې ناحیې اړوند سیمه کې د درېیو لویو ډبرو، چې له ۸۰ څخه زیات هستوګنیز کورونه یې له ګواښ سر مخ کړي و او د خوځېدو او ښوېدو امکان یې و، د یادو ډبرو له سروې یې څارنه وکړه.
محترم الحاج ملا عبدالولي څارنوال(حاجي وارث) د سیمې د لیدنې او ځایي خلکو سره د لیدو پر مهال ووېل: دغه ډبرې به زموږ د ادارې د یو مسلکي ټیم لخوا له سروې او ارزونې وروسته په خوندي توګه ویجاړې شي.
