د هیواد په سویل ختیځ ولایتونو کې د وروستۍ زلزلې له امله زیانمن شویو ته د رسېدنې او بشري مرستو اړوند چارو د تنظیم کمېسیون غونډې ترسره کېدل
کابل- د چنګاښ ۲۹مه- ۱۴۰۱
پېښو ته د رسېدو په چارو کې د دولت وزارت، نن له غرمې وروسته د ا.ا.ا د عامې روغتیا وزیر، د داخلې وزارت، د کډوالو، د کلیو د پراختیا او د اقتصاد وزارتونو معینانو، د سرې میاشتې او احصایې او معلوماتو ادارو رییسانو په ګډون، په پکتیکا او خوست ولایتونو کې د وروستۍ زلزلې له امله زیانمن شویو ته چې کورونه یې له لاسه ورکړي و، هغوۍ ته د رسېدو او د بشري مرستو د تنظیم په اړه غونډه ترسره کړه. د سویل ختيځ ولایتونو زلزلې ځپلو ته د رسېدو او بشري مرستو اړوند چارو د تنظیم کمېسیون په غونډه کې چې مولوي شرف الدین مسلم د دې وزارت مرستیال یې مشرۍ وکړه، پریکړه وشوه چې د اړوندو وزارتونو لخوا یو تخنیکي ټیم جوړ شي ترڅو زلزلې ځپلې سیمې ته ولاړ شي او د زیانمن شويوسیمو سروې وکړي چې آیا دغه سیمې د کورونو د بیا رغونې لپاره توان او خوندیتوب لري او که نه، د یادو سیمو د بیا رغونې توان نه درلودو په صورت کې، باید پر دولتي ځمکو باندې د یو ښارګوټي جوړولو پر پروسې او د زیانمن شویو پر انتقال باندې کار ترسره شي. د دې ترڅنګ، په یاده غونډه کې د مرستو رسولو په لړۍ کې د شفافیت او د ویجاړو شویو سیمو د بیا رغونې په برخه کې د موسساتو د همکاري په اړه خبرې وشوې.
