د کونړ پېښو پر وړاندې د چمتووالي ریاست دفتر او د څوکۍ ولسوالۍ د وقایوي پروژې څخه د مالي او اداري عمومي رییس لیدنه
کونړ _ د چنګاښ 24مه - 1400
شیر احمد فیضي, د وزارت مالي او اداري عمومي رییس او ورسره پلاوي یې د کونړ ولایت پېښو پر وړاندې د چمتووالي ریاست څخه لیدنه او د هغوۍ ننګونې یې له نږدې وکتلې.
د کونړ پېښو پر وړاندې د چمتووالي رییس, د اداري اساسي ودانۍ او معیاري ګدام نشتوالۍ سترې ستونزې وبللې او د پېښو د مدیریت د معلومات ملي سیسټم پر وړاندې د ننګونو په اړه یې هم ښاغلي فیضي ته معلومات ورکړل.
د مالي او اداري عمومي رییس, همدارنګه د وقایوي پروژې څخه چې د سېلاب تګلاره د هستوګنیزو کورونو څخه جلا کړې لیدنه وکړه او د پېښو خطرونو د کمولو په پار یې د سیمې خلکو سره د وقایوي پروژو د پلي کولو ژمنه وکړه.
دغه ګبیوني دیوال د کډوالۍ نړیوال سازمان لخوا د څه باندې 400 مترو په اوږدوالي پلي شوی دې.
