د بغلان ولایت له پېښو سره د مبارزې آمادګۍ ریاست په خنجان ولسوالۍ کې د ورستیو سېلابونو له امله د تړل شوي عمومي سړک د بیرته خلاصولو چارې بشپړې کړې
له پېښو سره د مبارزې آمادګۍ ادارې د لوی رئیس محترم الحاج ملا نورالدین ترابي د لارښوونې له مخې، د بغلان ولایت له پېښو سره د مبارزې آمادګۍ ریاست د یاد ولایت په خنجان ولسوالۍ کې د باجګاه درې او خشکک سیمو د وروستیو سېلابونو راوتلو له امله د تګ راتګ پر مخ د تړل شوي عمومي سړک د بیرته خلاصولو چارې پای ته ورسولې.
د یاد سړک د پاکولو چارې د ٥٢،٩٠٠ افغانیو په لګښت د کرایه شوي یو عراده اسکواټر په واسطه له ۲۳ ساعته کار کولو وروسته بشپړې شوې.
د یادونې ده، چې د دې سړک په خلاصولو سره د تګ راتګ کوونکو ستونزې په بشپړ توګه له منځه پای ته ورسېدې.
نېټه: ۱۴۴۷/۱۱/۱۰ هـ ق
له پېښو سره د مبارزې آمادګۍ اداره
