په میدان وردګ ولایت کې له ۴۵۹ زیانمن سوې کورنیو ته خوراکي او غیر خوراکي مرستې وویشل سوې
میدان وردګ _ ۲۵ صفرالمظفر ۱۴۴۶
د میدان وردګ ولایت له پېښو سره د مبارزې آمادګی ملي ادارې ریاست، ۴۵۹ کورنیو ته تر سروې وروسته هرې کورنۍ ته ۵۰ کیلو اوړه، ۲۵ کیلو وریجې، ۵ لیتره غوړي، یو کارتن شیدې، ۵ تختۍ کمپلې، یو د هایجن بسته او ۲۰ ټوټې صابون ووېشل چې په دې وروستیو کې د بهسود په ولسوالۍ کې د سیلابونو له امله زیانمنې شوې وې.
د یاد ولایت له پېښو سره د مبارزې آمادګی ملي ادارې رئیس محترم مولوي فیض الله جلالي په دې مرسته وېشلو پروګرام کې وویل: موږ هر څه چې زموږ په وس کې وو، ستاسو په اختیار کې ورکړل او تل زموږ هڅه دا ده چې تاسو سره مرسته وکړو.
په همدې حال کې د دې مرستو ترلاسه کوونکو له پیښو سره د مبارزې ملي ادارې او ا_ا_ا څخه مننه وکړه او د نورو مرستو غوښتنه یې وکړه.
