په میدان وردګ ولایت کې ۲۵۰ زیانمن شوو کورنیو خوراکي او غیر خوراکي توکې ترلاسه کړل
د میدان وردګ ولایت پېښو سره د مبارزې ریاست د کوار موسسې سره په همکارۍ، ۲۵۰ کورنیو ته چې د وروستیو سېلابونو له امله یې کورونه په بشپړه او نیمه توګه ویجاړ شوي وو، خوراکي او غیر خوراکي توکې ووېشل. پدې مرستو کې ۲۰۰ کیلو اوړه، ۱۰ کیلو شیدې، ۱۰ کیلو مکروني، ۱۲ لیټره غوړي او یو روغتیایي کېټ شامل وو چې د ولایت مقام مرستیال، د پېښو سره مبارزې رییس، ولایتي شورا او سکټوري ادارو غړو په حضور یادو کورنیو ته ووېشل شول. د یادونې وړ ده چې دغه ریاست به هغو بزګرانو ته چې کرنیز محصولات یې د طبیعي پېښو له امله زیانمن شوي وو راتلونکې اونۍ مرستو لړۍ پیل کړي.
