پېښو ته د رسېدو په چارو کې د دولت وزارت د 1400مالي کال بودجې د طرحې استماعیه ناسته ترسره شوه
د استماعیه ناستو په دوام, دا ځل پېښو ته د رسېدو په چارو کې د دولت وزارت د راتلونکي مالي کال بودجې د طرحې استماعیه ناسته, عبدالحبیب ځدراڼ د مالیې وزارت مالي مرستال په مشرۍ مطیع الله صافۍ پېښو ته د رسېدو په چارو کې د دولت وزارت مالي او اداري مرستیال, رییسانو او مشاورینو په حضور نن د روان کال د تلې په 26مه د مالیې په وزارت کې ترسره شوه.
په دی ناسته کې پېښو ته د رسېدو په چارو کې وزارت مسوولینو خپلې بودجوي اړتیاوې وړاندي کړی چې د بودجې کمېټې له لورې پرې بحث او د نظرونو تبادله وشوه.
همدارنګه مطیع الله صافۍ پېښو ته د رسېدو په چارو کې د دولت وزارت مالي او اداري مرستیال وویل: د دی وزارت بودجوي اړتیاوې د حکومت مالي امکاناتو ته په پام سره, د غیر اړینو لګښتونو سپما, د روڼتیا اصل, د خلکو ستونزو ته رسېدنه او پرمختیایی لومړیتوبونو سره په پام کې نیول شوي.
د یادونې وړده، چې په استماعیه ناستو کې دولتي ادارې خپلې بودجوي اړتیاوې وړاندي کوي او د بودجې کمېټه یې د مالي امکاناتو او د هیواد نافذه قوانینو په رڼا کې د ملي بودجې په طرحه کې شاملوي.
