له پېښو سره د مبارزې آمادګۍ ملي ادارې سرپرست په ګدامونو کې د توکو د زېرمه کولو په اړه له ولایتي مسؤلینو سره آنلاین غونډه وکړه
نن سهار، دوشنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د هېواد د ۳۴ ولایتونو له مالي مدیرانو، د NDMIS مدیرانو او معتمدینو سره آنلاین غونډه وکړه.
په دې آنلاین ناسته کې ښاغلې ترابي صاحب وویل چې څه موده وړاندې د ټولو ولایتونو ګدامونه ترمیم شوي او اوس په معیاري توګه د موادو د زېرمه کولو لپاره چمتو دي. نوموړي همداراز ټول مسؤلین وهڅول, چې د خوراکي او غیر خوراکي توکو او د ترمیم شویو ګدامونو ساتنې ته لا ډېره پاملرنه وکړي او هغوی ته یې په دې برخه کې اړینې لارښوونې وکړې.
همداراز، د مسؤلینو لپاره یو سیمینار وړاندې شو، چې پکې د موادو په ښه توګه زېرمه کولو، په ګدامونو کې د خوراکي او غیر خوراکي توکو میاشتنې ارقام موجودي او په دقیق ډول د ګدامونو د موجودي میاشتني ارقامو د وړاندې کولو د څرنګوالي په اړه معلومات ورکړل شول.
نیټه: ۱۴۴۶/۰۹/۲۴
له پېښو سره د مبارزې آمادګۍ ملي اداره
