د سرپل ولایت له پېښو سره د مبارزې آمادګۍ ریاست ۱۲۱ تنو ناروغانو ته نغدې مرستې ووېشلې
له پېښو سره د مبارزې آمادګۍ ملي ادارې او د اکټیډ موسسې ترمنځ د لاسلیک شوي هوکړه لیک له مخې، د سرپل ولایت له پېښو سره د مبارزې آمادګۍ ریاست د یادې موسسې په ملاتړ، په سانچارک او ګوسفندي ولسوالیو کې ۱۲۱ تنه ناروغانو ته نغدې مرستې ووېشلې.
په دې لړۍ کې چې د مسؤلینو په شتون کې ترسره شوه، ۲۵ تنه ناروغانو ته چې د سرپل مرکز ته راجع شوي وو، هر یو ته ۲,۳۲۰ افغانۍ او ۹۶ ناروغانو ته چې د یادو ولسوالیو روغتیایي مرکزونو ته راجع شوي وو، هر یو ته ۱,۱۶۰ افغانۍ ووېشل شوې، چې ټولټال ۱۶۹,۳۶۰ افغانۍ د یاد شمېر کورنیو لپاره ځانګړې شوې وې.
په پای کې د مرستو ترلاسه کوونکو له پېښو سره د مبارزې آمادګۍ ریاست او د اکټیډ موسسې څخه مننه او قدرداني وکړه او د دې ډول مرستو د دوام غوښټنه یې وکړه.
نېټه:۱۴۴۷/۶/۱۵ هـ ق
له پېښو سره د مبارزې آمادګۍ ملي اداره
