د تخار ولایت له پېښو سره د مبارزې آمادګۍ ریاست ٢٥٢ زیانمنو او کډوالو کورنیو ته خوراکي او غیر خوراکي مرستې ووېشلې
د تخار ولایت له پېښو سره د مبارزې آمادګۍ ریاست د دې ولایت په چال، ورسچ، فرخار ولسوالیو او مرکز تالقان کې د وروستیو سېلابونو او اورلګېدنې له امله ٢٥٢ زیانمنو او ٦٩ کډوالو کورنیو ته، له سروې وروسته خوراکي او غیرخوراکي مرستې ووېشلې.
په دې لړۍ کې ١٨٣ زیانمنو هرې کورنۍ ته د مسؤلینو په شتون کې ١٠٠ کیلو اوړه، ٥٠ کیلو وریجې او ١١ کورنیو ته چې کورونه یې په بشپړ ډول ویجاړ شوي وو یو باب خېمه هم ووېشل شوه.
٦٩ کډوالو کورنیو هرې یوې ته ٥٠ کیلو اوړه او ٢٥ کیلو وریجې ووېشل شوې.
نېټه: ١٤٤٧/١/٢٤ هـ ق
له پېښو سره د مبارزې ملي اداره
