په کندهار ولایت کې 333 بېځایه شویو کورنیو سره مرسته ترسره شوه
کندهار - سلواغی4مه - 1399
د کندهار ولایت پېښو پر وړاندې چمتووالي ریاست, 333 کورنیو ته چې په ارغنداب ولسوالۍ کې د وروستیو جګړو له امله بېځایه شوې وې, وروسته له سروې یادو کورنیو ته خوراکي او غیر خوراکي توکې وویشل.
پدې مرستو کي هرې کورنۍ ته 50 کیلو اوړه، 14 کیلو وریجې، 3 کیلو بوره، 3 کیلو لوبیا، 1 کیلو شین چای، 2 کیلو مالګه،5 لېټره غوړي او 1 تخته کمپله شامل و.
د وروستیو جګړو له امله داخلي بېځایه شویو کورنیو سره د مرستو او د هغوی د سروې لړۍ جریان لري او ټولو اړمنو کورنیو ته به مرستې وویشل شي.
